Thursday, November 26

जाडो मौसममा देखिने स्वास्थ्य समस्याको साथै सुरक्षाका उपायहरु जानीराखौ

October 31, 2020 82

जाडो मौसमको शुरूवातसंगै विशेष गरेर बच्चाबच्ची तथा बुढाबुढीलाइ केही राेगकाे समस्या बल्झिन्छ । दिउँसोकाे समयमा हल्का घाम लागेर न्यानो भएपनि बेलुका र बिहान चिसो हुन्छ । जाडोमा आफूलाई स्वस्थ राख्न सबैले सावधानी अपनाउनु आवश्यक हुन्छ । जाडो मौसममा शरीरमा रोग प्रतिरोधात्मक क्षमता कमजोर हुने भएकाले यसलाई बढाउनका लागि केहि प्राकृतिक वा घरेलु विधी अपनाउन सकिन्छ । यसले प्राकृतिक रुपमै हामीलाई न्यानो राख्नुका साथै बाह्य जाडोबाट शरीरलाई बचाउँने गर्छ र रोगसँग लड्ने क्षमताको बृद्धि पनि गर्छ ।

१) हल्का तातो तेलले मालिस गर्ने । जाडो मौसममा नुहाइसकेपछि शरीरको मालिस गर्नु आवश्यक हुन्छ । यसलाई आयुर्वेदमा प्रतिदिन आत्ममालिसलाई प्रतिरक्षा बढाउने सबैभन्दा उत्तम विधि मानिन्छ । सूर्यमुखी र तिलको तेलले मालिस गर्दा मांसपेशी बलियो हुनुका साथै यसले रक्तसंचार पनि बढाउने गर्छ ।

२ ) जाडो मौसममा न्यानो कपडा लगाउने, टोपी, मखलर, मोजा र पञ्जा सधै लगाउँनु पर्छ । बिशेष गरि घर बाहिर जाँदा चिसोबाट सचेत रहनुपर्छ र शरीरलाई सन्तुलनमा राख्नुपर्छ ।

३ ) जाडो याममा बिशेष गरी मुटुका बिरामीहरूले आफुलाई असर पर्ने गरी शारीरीक काम गर्नु हुँदैन । बिहान र बेलुका बढि जाडो हुने भएकाले बिहान र बेलुका घरभित्रै बस्नु उचित हुन्छ ।

४ ) जाडोमा खानाले पनि स्वास्थ्यसँग सम्बन्ध राख्ने गर्छ । जाडोमा तातो र हल्का भोजन गर्नु प्रतिरक्षा बढाउने उत्तम विधी हो । किनकी यसले ब्याक्टेरियासाग लड्न मद्दत गर्छ र मौसम परिवर्तनको समयमा हल्का र तातो भोजनले प्रतिरक्षा प्रणालीलाई एक तह माथि लैजाने गर्छ ।

५ ) जाडो मौसममा दम भएका मानिसहरूलाई चिसोले छिट्टै छुने भएकाले आफूलाई तातो राख्ने, बिहानको चिसोमा बाहिर निस्कनु हुँदैन । यदि निस्कनु नै परेमा घाम लागेपछि मात्र निस्किनु पर्छ । बाक्लो खालका कपडाहरु लगाएर निस्केमा छातीलाई चिसोबाट जोगाउन सकिन्छ ।

६ ) जाडो मौसममा साना बच्चाहरु र वृद्धवृद्धालाई निमोनियाको जोखिम उच्च हुन्छ । बच्चाहरुमा प्रतिरक्षा प्रणालीको विकास राम्रोसंग भएको हुँदैन । वृद्धवृद्धाहरुमा प्रतिरोधको क्षमता कमजोर हुने भएकाले ६५ वर्षभन्दा बढीको उमेरका व्यक्तिलाई निमोनिया भएमा त्यसले अर्कै रुप लिने खतरा हुन्छ । त्यसैले कुनै समस्या हुनासाथ तत्काल नजिकको स्वास्थ्य संस्थामा गएर उपचार गर्नुपछ ।

source : onlineoana

प्रतिकृया दिनुहोस्