Tuesday, November 24

एउटा कचौराको मूल्य साढे ५४ करोड पर्छ भनि तपाई पत्याउनुहुन्छ ?

November 1, 2020 117

हालै स्वीटजरल्याण्डको एक दम्पतीले पुरानो कचौरा ५४ करोड ४० लाखमा विक्री गरेका छन् । ती दम्पतीले घरमा टेनिस बल राख्न प्रयोग गर्दै आएको कचौरा बेचेर उक्त पैसा आम्दानी गरेका हुन् ।

उनीहरूले सुरूमा कचौरा बेचेर यति धेरै रकम प्राप्त गर्ने सोचेका थिएनन् । चीनको भ्रमण गर्दा खरिद गरेको सो कचौरा १७ औँ सताब्दीको भएको उनीहरूले बताएका छन् ।

कचौरा देखेर चकित भएका लिलामी विशेषज्ञहरूले दुर्लभ भएको जानकारी पाए । सुरुमा एक जना मानिसले कचौरा देखेर आश्चर्यचकित भएका थिए ।

सुरुमा ती दम्पतीले बर्लिन संग्रहालयलाई कचौरा राख्न प्रस्ताव गरेका थिए । तर संग्रहालयका अधिकारीहरूले सो प्रस्ताव अस्वीकार गरे पछि उनीहरूले त्यो कचौरोलाई लिलामीका लागि ब्रिटिश कम्पनीलाई तस्वीर पठाएका थिए ।

त्यहाँ पनि कम्पनीले लिलामी नगर्ने जानकारी दियो । दुई प्रस्ताव अस्वीकार भएपछि ती दम्पतीले कचौरामा टेनिस बल राख्दै आएका थिए ।

पछि स्विजरल्याण्डमा भएको लिलामी अक्सनमा राखेपछि त्यो कचौरोको ५४ करोड ४० लाख रूपैयाँमा बिक्री भएको थियो । त्यो कचौरो चिनियाँ नागरिकले किनेका थिए । पित्तलबाट बनेको कचौराको दुवैतर्फ ‘फिनिक्स हेड’ रहेको छ ।

 

प्रकाशित मिति १५ कार्तिक २०७७, शनिबार ०७:५०

source: samachar batika

प्रतिकृया दिनुहोस्