Thursday, June 24

संसद विघटनको विरोधमा नेविसंघले निकाल्यो मसाल जुलुस

May 23, 2021 49

काठमाडौं । असंवैधानिक तवरले प्रतिनिधिसभा विघटन गरेको भन्दै नेपाली कांग्रेसको भातृसंगठन नेविसंघले काठमाडौंमा मसाल जुलुस निकालेको छ ।

नेविसंघ केन्द्रीय समितिको निर्देशनमा नेविसंघ कोटेश्वर क्याम्पस इकाइले काठमाडौंको जडिबुटीमा मसाल जुलुस निकालेको हो ।

संविधान विपरित नै प्रधानमन्त्री र राष्ट्रपतिले जबरजस्त रुपमा संसद विघटन गरेको उनीहरुको आरोप छ । उनीहरुले निकालेको मसाल जुलुसमा प्रहरीले हस्तक्षेप गरेको थियो ।

नेविसंघ केन्द्रीय समितिको निर्देशनमा बिभिन्न क्याम्पस अगाडि शनिबार साँझ मसाल जुलुस निकालेको थियो ।

प्रधानमन्त्रीलाई गगन थापाको प्रश्न, ‘सम्माननीय राष्ट्रपति’बाट तपाईं हुँदै तिमीमा कसले ओह्रालेको ?’

काठमाडौं । नेपाली कांग्रेसका युवा नेता गगन कुमार थापाले ‘सम्माननीय राष्ट्रपति’बाट तपाईं हुँदै तिमीमा कसले ओह्रालेको ?’ भन्दै प्रधानमन्त्री केपी शर्मा ओलीलाई प्रश्न गरेका छन् ।

बालुवाटारमा आयोजित एक कार्यक्रममा प्रधानमन्त्री ओलीले कांग्रेस सभापति शेरबहादुर देउवाद्वारा जारी वक्तव्यमा राष्ट्रपति विद्यादेवी भण्डारीलाई तिमी, उनीलगायतका असभ्य भाषा प्रयोग भएको भन्दै राष्ट्रपति भण्डारीको बचाउ गरेका थिए ।

सोही विषयलाई लिएर कांग्रेसका युवा नेता थापाले प्रधानमन्त्री ओलीलाई यस्तो प्रश्न गरेका हुन् । नेता थापाले सोसल मिडिया फेसबुक मार्फत् भनेका छन्, ‘राष्ट्रपतिलाई तिमी भनेकोमा खड्ग ओलीलाई चित्त दुखेछ, बचरा! गणतन्त्रमा सम्मान दर्जाले होइन कामले आर्जन गर्ने हो कमरेड !’

त्यस्तै, उनले आफ्नै कर्म र प्रवृत्तिले विद्या भण्डारीलाई सम्मानको शिखरमा अडिन नसकेर ओरालेको पनि स्पष्टीकरण दिएका छन् ।

प्रतिकृया दिनुहोस्